حياكم في مطبخي ....

احب اكون اول وحدة تحط طبخات حلوة وسريعه ...

صدقوني حتى الشباب اللي يحبون المطبخ واللي يعرفون يطبخون !! بيقدرون يسون طبخاتي ....


اول طبق في المنتدى (( بر الوالدين ))..

*** المقادير ***

1_ 3 بيضات

2_ كوب ونصف (كاس جبن صغير) حليب بودرة .

3_ كوب ونصف ماء .

4_ فنجان سكر .

5_ ماء ورد منقوع فيه زعفران ورشة هيل .


*** الطريقة ***

نخفق جميع المقادير مع بعض بالخفاقة اليدوية .. وبعدين نحطه في بايركس حجمه مناسب ومن ثم نغطيه بورق الومونيوم جيدا ..... وبعدين نحطه في حمام مائي يعني على البخار .. مو داخل الفرن عاد ,, لا فوق الفرن ..
وننتظر حتى تتماسك عدل .. ونحطها في الثلاجة لانه حلاوتها تكون باردة عدل عدل ..

جربوها ... كل المقادير متوفرة عندكم ...


وهني وعافية ..

تسلمين يالغلا على الطبق الحلوو وان شاءالله راح انجربه في اقرب فرصه .. يعني المفروض نسميج (طباخة القريه ) .. الله لا يحرمنا من جديدك ..

احم احم نسوان يصير ندخل وياكم في الخط لو ويش

عطونا وج عااد

رجل المالكية

مشكورين على المرور ... وسبق وقلت حتى الشباب بخليهم يطبخون ... حياكم الله ....

وش رايكم اعطيكم طبق ثاني ؟؟ طبق خفيف للعشاء ان شاء الله تتعشون منه الليلة ..

(( دجاج بالسليس ))

***المقادير ***
1 _ صدر دجاجة مسلوق مع الملح والفلفل الاسود .

2 _ كيس سليس منزوع الاطراف .

3 _ فلفل بارد مقطع قطع صغيرة .

4 _ جزر مبشور .

5 _ ذرة مسلوق

6 _ كاس جبن صغير + قيمر واحد .

** الطريقة **

طبعا الصدر المسلوق نشرحه (ننتفه) تعرفون يعني نفس الشاورما .. وبعدين نضع الدجاج والفلفل المقطع

والجزر المبشور والذرة المسلوقة في مقلى ونقليهم على خفيف ونرش عليهم شوية ملح وفلفل اسود وصلصة

صويا حسب الرغبة .....

في هذه الاثناء طبعا جهزتون السليس والبايركس المستطيلي العادي ..!! نصف السليس في البايركس يمكن

تقريبا ست شرايح واكيد صفوه مرتب ،،،،،، نخلط القيمر مع الجبن عدل ونصب منه كميه بسيطة على السليس

وننشره فوقه ،،، وبعدين اكيد خلصتون القلي .؟؟ اخذوا خلطة الدجاج وحطوها فوق السليس ونشروها كامل

وسووا السطح سيده ... بعدين اخذوا باقي السليس وغطوا به الدجاج وصفوه نفس تحت عشان تقدرون تقطعونه

اخر شي حطوا باقي خلطة القيمر والجبن ونشروها على سطح السليس ... نحط الطبخة في الفرن ونشغل الفرن

من فوق مو من تحت نفس الكيك لا للتحمير بس ولما تتحمر من فوق (( لا تحرقونها قصروا عليه )) .. بيصير

شكلها نفس الباشاميل من فوق .....

وصدقوني بتعجبكم واللي يجربها يخبرني ..!!!!

تقبلوا تحيات .... ســـــــــــــــ القرآن ـــــــــور

تسلمين على الاطباق الحلوووه وفعلا طبق الدجاج هذا رووووعه أمووووت فيه .. يعني بالمختصر الطبخه تقول لك جربني مره ما راح تنساني بالمره ..